أهـلاً وسهلاً بكم فى مدونة ** أفكار غالية ** مع خالص تحياتى / يحيى حسن حسانين





 

الاثنين، 28 ديسمبر 2020

اهمية اسكندرية للبشرية

 محدش واخد من الدنيا حاجة غير قعدة جميلة على شاطئ اسكندرية . البحر ادامك والدنيا كلها وراك .

مشاركة

الثلاثاء، 8 ديسمبر 2020

موقف غريب

 دخلت للدكتور اليوم . وكان بيتعامل معايه بشكل فيه هجوم واستفراز  مش عارف ليه . والمعروف عنى انى انسان مش كثير الكلام أو رغاى . وانا خارج من حجرة الدكتور لقيته بيقول ليه كلام حاولت اركز بيقول ليه ايه وكانت المفاجأة ( بيقول ليه مش عيزين نقعد نتكلم ونرغى كتير ) المهم هكتب الحوار اللى دار بين الدكتور وبينى /// يمكن اكون فعلا رغاى /////

الدكتور -- انت بتدينى الورقة اللى ليك ومبتدنيش اللى لينا

أنا      -- مفتحتش بقى بكلمة

الدكتور-- روح اطلع على السرير 

أنا     --- طلعت ومفتحتش بقى بكلمة

الدكتور - الموجات الصوتية دى معمولة فى مكان خاصة مش عملها تبعنا ليه 

أنا     --- بقالى 15 سنه باخد المعاش بنفس الموجات دى سعادتك

الدكتور--- خلاص هحولك لمكان تانى  تعمل الموجات ونقارن بنها

أنا ----  مفتحتش بقى بكلمة

الدكتور --- خلاص اطلع استنى بره على ما يندهو عليك

أنا ---   مفتحتش بقى بكلمة 

الدكتور--- مش عيزين نتكلم ونقعد نرغى كتير 

أنا     --- مفتحتش بقى بكلمة

لو عديد كلمات الدكتور هتلاقية اتكلم 45 كلمة

لو عديد الكليمات بتعتى هتلاقيها 9 كلمات

المشكلة انه واخد منى موقف هجومى مش عارف ليه وكان محسسنى زاى ما اكون داخل انصب عليه .

****

عمال اسأل نفسى ليه وانا خارج قال ليه ( مش عيزين نتكلم ونقعد نرغى كتير ) أنا واثق تماما انى فى اللحظة دى بالتحديد كنت قافل بقى ومفتحتوش

 الواحد هيقول إيه غير/////  يا رينا يا بتاع الغلاية  ////

مشاركة

السبت، 11 يوليو 2020

مدارس خاصة فى تجويد القرأن



من المشايخ التى صنعت لنفسها وللعالم الأسلامى مدرسة خاصة متميزة فى دقة وروعة التجويد الممزوج بالأحساس الخاص والعالى ** الشيخ محمود الطبلاوى والشيخ عبد العزيز على فرج والشيخ عبد العظيم زاهر ** استمعت لهم جيدا فوجدتهم احيانا كثيرة يتخلون عن المقامات ويقرأون بطريقة خاصة ومميزة تميز كل منهم عن باقى المشايخ وعندما يعودون للقرأة بالمقامات يتحولون لأساتذة فى عالم المقامات . بعض المشايخ يسطر عليهم مقام أو مقامات معينة يجدون انفسهم بها . لكن هؤلاء المشايخ لهم شكل خاص ولم يسطر عليم مقام معين رغم قدرتهم على التنقل من مقام لأخر فأصبح كل منهم مدرسة خاصة فريدة لن تتكرر.


مشاركة

الأحد، 8 مارس 2020

مع من تتعامل ؟

مع من تتعامل ؟

عندما تتعامل مع أى شخص فأنت تجهل مكانته عند الله . الملبس والشكل الخارجى أو السمات الظاهرية للإنسان لا تعطينا مؤشر عن مدى حب أو بغض الله لهذا الشخص . انت تظن انك تتعامل مع البشر لكن عقلك يغفل وينسى شيئ مهم وهو انك تتعامل مع مخلوقات لله وهو أمر جدير بالاهتمام ان تضعه امام عينيك وتنظر اليه قبل ان يقع نظرك على الاشخاص التى تتعامل معها. ما تمتلكه من اجهزة حسية لتتعرف بها على مكانة الأشخاص الدنياوية . فهذا رجل غنى وهذا رجل فقير هذا عالم جليل هذا فنان بارع هذا لعب ماهر هذه راقصة هذا رجل له تأثيره فى المجتمع وهذا شخص نكره وهذ شخص قد يحتقره البعض وهاكذا ...... لكن الباطن القلوب ومكانة كل منهم عند الله كلها فى علم الله سبحانه . أنت لا تستطيع ان تنفذ داخل نفوس وقلوب البشر لذلك تلجأ للحكم على نوعية افعالهم ومدى موافقتها للعادات والتقاليد والدين . لكن فى كل الحالات لابد ان تتذكر انك تتعامل مع مخلوقات الله .
 يحيى حسن
https://ressearch.blogspot.com/
مشاركة