مشاركة
تعلمون الأية الكريمة ( قلنا يا نار كوني بردا وسلاما على إبراهيم) اليوم اصابع يدى اليمنى نزلت بالكامل فى الزيت المغلى بغير قصد وانا اقلى البطاطس
ولم اشعر بأى ألم أو أى سخونة للزيت بل كان كالماء البارد تمام . وكان الزيت بردا وسلاما بأذن الله على يدى
خرجت يدى من الزيت وانا منتظر ألام وعذاب الحروق التى سأشعر بها بعد ثوانى . لكن لم اشعر بشئ
حاولت ان ابعد عينى عن النظر إلى يدى خوفا من ان ارى يدى المصلوقة وكانت المفاجأة يدى طبيعية طبيعية طبيعية بنسبة 100%
وقمت بتصوير يدى لكم لتشاهدوها بأنفسكم
ومن المدهش ان منشورى الذى يسبق هذا المنشور كنت تكلمت فيه عن ( لا حول ولا قوة إلا بالله )
التدبر فى مخلوقات الله غالبا بيشحنك عشان تكون لفترة طويلة مشغول بالله وفدرته سبحانه . الحقيقة من اجمل وامتع التفكير عندى لما افكر فى قدرة الله على خلق الأشياء من العدم . حاجة جميلة بتخلينى احس بمدى قدرة الله واعرف معنى كلمة لاحول ولا قوة إلا بالله .
مشاركةمحدش واخد من الدنيا حاجة غير قعدة جميلة على شاطئ اسكندرية . البحر ادامك والدنيا كلها وراك .
مشاركةدخلت للدكتور اليوم . وكان بيتعامل معايه بشكل فيه هجوم واستفراز مش عارف ليه . والمعروف عنى انى انسان مش كثير الكلام أو رغاى . وانا خارج من حجرة الدكتور لقيته بيقول ليه كلام حاولت اركز بيقول ليه ايه وكانت المفاجأة ( بيقول ليه مش عيزين نقعد نتكلم ونرغى كتير ) المهم هكتب الحوار اللى دار بين الدكتور وبينى /// يمكن اكون فعلا رغاى /////
الدكتور -- انت بتدينى الورقة اللى ليك ومبتدنيش اللى لينا
أنا -- مفتحتش بقى بكلمة
الدكتور-- روح اطلع على السرير
أنا --- طلعت ومفتحتش بقى بكلمة
الدكتور - الموجات الصوتية دى معمولة فى مكان خاصة مش عملها تبعنا ليه
أنا --- بقالى 15 سنه باخد المعاش بنفس الموجات دى سعادتك
الدكتور--- خلاص هحولك لمكان تانى تعمل الموجات ونقارن بنها
أنا ---- مفتحتش بقى بكلمة
الدكتور --- خلاص اطلع استنى بره على ما يندهو عليك
أنا --- مفتحتش بقى بكلمة
الدكتور--- مش عيزين نتكلم ونقعد نرغى كتير
أنا --- مفتحتش بقى بكلمة
لو عديد كلمات الدكتور هتلاقية اتكلم 45 كلمة
لو عديد الكليمات بتعتى هتلاقيها 9 كلمات
المشكلة انه واخد منى موقف هجومى مش عارف ليه وكان محسسنى زاى ما اكون داخل انصب عليه .
****
عمال اسأل نفسى ليه وانا خارج قال ليه ( مش عيزين نتكلم ونقعد نرغى كتير ) أنا واثق تماما انى فى اللحظة دى بالتحديد كنت قافل بقى ومفتحتوش
الواحد هيقول إيه غير///// يا رينا يا بتاع الغلاية ////
مشاركة